Web en galego

O Consello Comarcal estrea web en galego coincidindo coa celebración das XII Xornadas Martín Sarmiento en Villafranca del Bierzo. O presidente do Consello Comarcal, Gerardo Álvarez Courel, participou este luns na ofrenda floral que o alumnado de galego do Bierzo realizou no monólito dedicado ao poeta Ramón González Alegre, en Villafranca del Bierzo. O acto enmárcase dentro das XII Xornadas Martín Sarmiento, que se organizan en homenaxe ao pai das letras galegas, nacido na vila hai 325 anos. Ao acto asistiron tamén o director xeral de Política Lingüística da Xunta de Galicia, Valentín García, e o alcalde de Vilafranca do Bierzo, José Antonio Pereira.