PROTECCIÓN CIVIL
Asistencia en eventos e protección á cidadanía
A Agrupación Comarcal de Protección Civil creouse en 2012 e está formada por persoas voluntarias que participan en eventos organizados por concellos da comarca, xuntas veciñais e outras entidades, co obxectivo de prestar protección e asistencia á cidadanía.
ÁREAS DE ACTUACIÓN
ASISTENCIA EN EVENTOS
Os 38 municipios de O Bierzo poden solicitarlle ao Consello Comarcal o servizo de Protección Civil para contribuír ao correcto desenvolvemento de eventos organizados polo propio concello e outras entidades (concertos, probas deportivas, feiras etc.).
Así mesmo, a agrupación comarcal colabora con outras agrupacións de ámbito municipal e participa en dispositivos operativos de carácter preventivo (grandes concentracións humanas, vixilancia forestal etc.), sempre coordinada polo servizo competente que corresponda.
CAMIÑO DE SANTIAGO
O voluntariado de Protección Civil desenvolve labores de vixilancia e atención a peregrinos no Camiño de Santiago ao seu paso pola comarca durante os meses de maior afluencia. Informa sobre as rutas e participa en casos de emerxencia sanitaria ou procura de peregrinos que se perden.
MEDIOS MATERIAIS
Entre os medios materiais cos que conta a Agrupación Comarcal de Protección Civil, destaca un vehículo todoterreo adquirido en 2012 e un vehículo de extinción de incendios, que se incorporou en 2016 grazas a un convenio subscrito polo Consejo Comarcal e a Consellería de Fomento e Medio Ambiente da Junta de Castilla y León en materia de Protección Cidadá e Emerxencias.
contacto PROTECCIÓN CIVIL
Sede do Consello Comarcal
Teléfono:. 987 42 35 51 / 52
presidencia@ccbierzo.com
Se queres formar parte da Agrupación Comarcal de Protección Civil,
podes inscribirte na propia sede do Consello Comarcal ou cubrindo o seguinte formulario.