A institución, a través da Agrupación Comarcal de Protección Civil, trasladará ao centro sanitario e levará medicinas e alimentos a aquelas persoas que se atopen soas e non poidan saír á rúa.
Quen estea nesta situación poden chamar ao teléfono 666 94 56 93.
Este servizo prestarase fundamentalmente no medio rural. Desde a institución, rógase á poboación que utilice este servizo en caso de verdadeira necesidade para poder prestar servizo ás persoas que o necesitan.
Os membros de Protección Civil mobilizáronse durante esta fin de semana, a pedimento do 112, para avisar aos peregrinos do peche dos albergues do Camiño de Santiago e a obrigación de regresar ás súas casas.
